Прашањето “Како да најдам талент за работните места во мојата фирма?” се почесто го слушаме на состаноците со нашите бизнис партнери. Во оваа статија ќе пробаме да одговориме на прашањево со помош на нашата експертиза.

Имено, јавна тајна е дека секоја понова генерација доаѓа со помал фокус кон работното место, а со се поголем фокус и внимание кон уредите со екрани. Од друга страна пак, има и луѓе кои сакаат да работат и да се посветат на работата, и пробуваат да се фокусираат на задачите пред нив. Како да се стигне до нив?

Решението е повеќе од логично, преку нивните дигитални уреди со екрани, телефони, таблети, компјутери итн. Како и секој останат продукт кој што се рекламира, и непополнетото работно место во вашата компанија треба да се разбере како продукт што треба да се рекламира.

Поставете си ги прашањава: Дали потенцијалниот кадар знае дека постои мојата компанија, и ако знае дека вработувам, што мисли за мојата компанија како работодавач?

Брендот на работодавачот претставува перцепцијата која потенцијалните и актуелните вработени ја имаат за компанијата како место за работа. Добро воспоставен бренд на работодавачот може значително да помогне во привлекувањето нови таленти, како и во задржувањето на постоечкиот талент. Ова значи дека компаниите треба свесно да работат на создавање и комуникација на позитивен имиџ, кој ќе биде во согласност со вредностите и очекувањата на кандидатите.

Како да се изгради силен бренд на работодавач?

1. Јасно дефинирање на мисијата и вредностите: Компаниите треба да имаат јасно дефинирана мисија и систем на вредности кои се прифатени од сите вработени. Овие вредности треба да бидат централни за секоја комуникација со јавноста. Потенцијалните кандидати сакаат да работат за компании со кои можат да се идентификуваат на личен и професионален план.
2. Транспарентност и автентичност: Вработените и кандидатите ценат искреност. Компаниите треба да бидат транспарентни во однос на својата организациска структура, начинот на работа, предизвиците и успесите. Лажни ветувања или преувеличување на реалноста може да доведат до губење на довербата, што негативно влијае на брендот на работодавачот.
3. Ангажирање на вработените како амбасадори: Вработените можат да бидат најдобри амбасадори на брендот. Кога компанијата ги третира своите вработени добро, тие природно ќе зборуваат позитивно за компанијата на социјалните медиуми, на професионални платформи како LinkedIn, или во нивните лични мрежи. Ова го зголемува кредибилитетот на брендот.
4. Користење на дигитални канали: Компаниите треба да ја користат својата интернет-страница и социјалните медиуми за да ја промовираат својата култура. Поставувањето на блогови, интервјуа со вработени, видеа за тимски активности и корпоративни настани помагаат во создавањето на атрактивна слика за потенцијалните кандидати.
5. Нудење флексибилност и модерни работни услови: Денешните кандидати очекуваат компаниите да бидат со модерен модел на работа, флексибилно работно време и модерни технологии. Промовирањето на овие бенефиции може да биде важен дел од брендот на работодавачот.

Компаниите кои успешно ќе го изградат својот бренд како атрактивен работодавач, не само што ќе привлечат повеќе таленти, туку и ќе имаат поголема лојалност и мотивација кај постоечките вработени.

Тимот на Клевер Маркетинг ви стои на располагање!

Интересно? Прочитајте повеќе статии тука!