Следење на перформансите на GBP

Кога ќе кликнете на линкот „Performance“ во вашиот NMX, ќе можете да пристапите до едноставни аналитички податоци што Google ви ги дава за вашиот profil.

Ова вклучува:

• Колку луѓе ја прегледале вашиот профил
• Пример на пребарувачки термини кој го прикажале вашиот профил во пребарувањето
• Уреди и платформи кој ги користат луѓето за да го најдат вашиот профил
• Број на луѓе кои кликнуваат за да ви се јават од вашиот профил
• Број на луѓе кои бараат упатства за да пристигнат до локацијата од вашиот профил
• Број на луѓе кои кликнуваат на вашата веб-страница од вашиот профил

Овие податоци може да ги сметата како бесплатен здравствен преглед на вашиот профил и основен начин за тестирање дали нешто ново што сте додале или промениле во вашиот профил предизвикало пораст или пад во овие бројки.

За професионални аналитички податоци, ќе треба да инвестирате во алатка како Semrush, која ви овозможува да следите и локални и органски рангови.

Колку е поконкурентен вашиот пазар или посложен вашиот бизнис модел, толку повеќе време и пари ќе треба да инвестирате во стекнување вештини во користење на аналитичките програми и софтвери за да добиете стратегиски увиди за тоа како јавноста интерактира со вашата веб-страница и профили.

Разбирање на вообичаените проблеми со GBP

Постојат премногу документирани проблеми поврзани со Google Business Profiles за да се покријат во еден пост, но овие се четирите на кој треба да обрнете внимание при креирањето на вашиот прв профил.

Невистинити перцепции за GBP

Дури и откако вашиот профил ќе биде верифициран, важно е да знаете дека тој не му припаѓа на вашиот бизнис.

Сите GBP (Google Business Profiles) припаѓаат на Google.

Тие можат да ги уредуваат во било кој момент и да прифаќаат предлози за уредување од јавноста.

Сопствениците на бизниси често се чувствуваат изнервирано кога ќе сфатат дека Google ги смета овие важни профили како документи со отворен код на кој секој може да придонесе или дури да ги украде.

Апсолутно е разбирливо да сакате да имате целосна контрола врз вашето онлајн присуство. Вашата егзистенција зависи од вашиот бизнис, на крајот на краиштата. Но, витално е да разберете дека се наоѓате на Google додека го управувате вашиот GBP. Вие сте изнајмувач, а не сопственик, и ќе има моменти кога можеби ќе се разочарате од некоја политика на Google или од недостаток на одговор на проблем од нивна страна. Можеби ќе сакате да не беше така, но прифаќањето на реалноста за тоа како функционира локалниот систем на Google ќе постави исправни очекувања за вашиот бренд.

Проблеми со рангирање

Секој локален бизнис сака да се рангира што е можно подобро во локалните пребарувања на Google, пребарувачите и Maps.

Иако не постои фиксна бројка за тоа кој е на прво место во локалните пребарувања, бидејќи Google ги прилагодува резултатите според локацијата на пребарувачот, ќе вложите многу време во тоа како да ја зголемите видливоста за различни пребарувачки фрази.

Во некои случаи, ќе се соочите со клучен израз за кој изгледа дека сте заглавени многу долу во резултатите од пребарувањето или дури сте невидливи. Ова е моментот кога ќе треба да започнете со учење како да направите формален аудит на вашите конкуренти за да се обидете да разберете зошто сте подрангирани.

Еве неколку прашања за започнување со решавање на проблемите:

• Кога ќе ја погледнам мојата локација на Google Maps, дали сум внатре или надвор од црвената граница? Ако сум надвор, ова може да биде проблем за моето рангирање.
• Дали ги избрав правилните категории за Google да знае дека мојот бизнис е релевантен за конкретна пребарувачка фраза? Ако не, дали можам да додадам нова категорија?
• Дали сум локациски во истата зграда или дури во некој радиус од неколку улици од конкурент кој ги дели истите мој категории, што предизвикува Google да го подрангира мојот бизнис во корист на тој на конкуренкцијата, правејќи ме невидлив освен ако не зумирам на мапата? Ако е така, ќе треба да ја зајакнам секоја страна од мојот профил и веб-страната за да му докажам на Google дека јас сум бизнисот што треба да се прикаже наместо да биде филтриран.
• Дали ги следам упатствата на Google?
• Дали бизнисите што ме подрангираат за некој пребарувачки термин го прават тоа затоа што го спамуваат Google (на пример, ставиле екстра клучни зборови во своите имиња)? Ако е така, можам да ги пријавам на Google и да се надевам на подобрување во рангирањето.

Секој пат кога ќе се соочите со ново нелогично рангирање, пребарајте го проблемот преку Google Search и видете што велат другите корисници  за слични сценарија. Ако не најдете добар одговор, можеби ќе треба да ангажирате локален SEO консултант или агенција за професионално решавање на проблемите (Клевер Маркетинг)

Проблеми со спам

За жал, слабостите во системот на Google им овозможуваат на спамерите да ја искористат платформата на Google Business Profiles на различни начини.

На пример, спамерите можат да:

• Вклучуваат клучни зборови во имињата на бизнисите
• Да ја преместат вашата локација на мапата
• Да го украдат вашиот профил, пренасочувајќи го телефонски број или линковите за веб-страната кон свои
• Да напишат лажни рецензии за вашиот бизнис и да ви оставаат ниски оцени
• Да оставаат оценки кои се за малку пониски од вашата просечна оценка за да го спуштат вашето севкупно рангирање
• Да го пријават вашиот бизнис како затворен
• Да создаваат профили за лажни бизниси

Ова е само дел од сите работи што ги прават во системот на Google, а некои индустрии се особено преплавени со спам.

Ако забележите дека профилот што ви го подрангира вашиот профил изгледа сомнително (на пример, има име кое е исполнето со клучни зборови или неговата адреса е всушност празна парцела), или ако станете жртва на спам со рецензии, Google има различни методи за пријавување на овие проблеми. Овие методологии се менуваат често, така што е најдобра практика да ги проверувате кога ќе се соочите со нив за да видите што велат последните документи и извори.

Важно е да имате реални очекувања за спамирањето во GBP: тоа е навистина присутно, и Google не може да улови сè. Обидете се да се справите со секој проблем како што настанува.

Казни

Вашите профили можат да бидат суспендирани или оневозможени ако:

• Случајно ги прекршите упатствата и бидете фатени
• По грешка Google ве избрише
• Член на јавноста ве пријави на Google за очигледен проблем

Овие казни понекогаш можат да се случат без ваша вина, и известувањето од Google дека вашиот GBP е суспендиран или оневозможен може да биде непријатно изненадување.

Важно е да ги знаете овие термини:

• Оневозможениот профил сè уште е видлив за јавноста, но станал неверифициран. Не можете да одговарате на рецензии или да пишувате Google објави додека вашиот профил е во овој статус. Овој статус понекогаш се нарекува „soft suspension“.
• Суспендиран профил не е видлив за јавноста. Тој е отстранет од Google Search и Maps. Овој статус понекогаш се нарекува „hard suspension“.

Во двата случаи, ќе мора да поминете низ процесот на жалба со надеж дека ќе успеете да го вратите вашиот профил, да го обновите вашиот верифициран статус и да се надеваате дека повторно ќе добиете пристап до управување со вашите профили.

Иднина на Google Бизнис Профилите

Google има големи инвестиции во критериумите за локално пребарување и веројатно ќе продолжи да ги охрабрува бизнисите како вашиот да се листаат на нивната платформа.

Во моментов, актуелна е темата во која Google може да интегрира вештачка интелигенција во локалните резултати од пребарувањето. Неминовно тоа е иднина на Google Бизнис секцијата.

Клучно за вашата стратегија при локален маркетинг преку пребарување ќе биде да се информирате за најновите вести во врска со развојот на Google за да можете да ги препознаете новите можности.

Со правилно пополнување на вашиот профил од самиот почеток и посветеност на одговарање на рецензиите и прашањата, вашиот GBP ќе стане траен доказ за вашата посветеност во работата. Работата вложена во ова е Вашата иднина на Google Бизнис со која ќе го издигнете локалниот бизнис.

Clever.mk Ви стои на располагање за изработка и оптимизација на вашиот Google Business Profile.

Вашиот Google Бизнис Профил (GBP) е профил на вашиот бизнис (како што е прикажано подолу на сликата, кој јавноста го гледа во резултатите од пребарувањето на Google Search и Google Maps. Тој ќе стане еден од најважните маркетинг средства и алатки за поддршка за вашиот бизнис поради доминантната улога која што Google ја игра во тоа како луѓето ги откриваат локалните ресурси онлајн.

Со креирање на вашиот прв GBP, вашиот бизнис може да биде најден како резултат за секој корисник што интерактира со Google Search и Maps, овозможувајќи потенцијалните клиенти да го откријат и изберат вашето бизнис.

На пример, кога корисник ќе побара нешто како “ресторан во мојата близина”, вашиот GBP може да биде вклучен во пребарувањето:

Локални пребарувања на Google

Ова се главните локални резултати од пребарувањето што се појавуваат во органските резултати на Google. Обично се состојат од три профили, но понекогаш имаат помалку записи или можат да содржат платени реклами.

Локални пребарувања на Google

Кога ќе кликнете на линкот “More places” во долниот дел од пребарувањето, ќе бидете пренесени на локалниот пребарувач, кој вклучува мапа и проширен сет на профили и филтер критериуми.

Google Maps

Алтернативно, корисник може да пребарува преку Maps, во пребарувањето или на нивниот телефон и да биде прикажана на Google Maps. Google Maps изгледа слично на локалниот пребарувач, но претставува различен ентитет кој може да покажува умерено или значително различни локални бизнис рангови и филтер критериуми.

Создавањето на вашиот прв Google Business Profile е клучот за видливоста на вашиот бизнис во сите локални интерфејси на Google.

Што ви е потребно за да започнете со вашиот прв Google Бизнис Профил

Вашето патување започнува со шест основни чекори:

1. Проверка за подобност

Потребно е да се уверите дека вашиот бизнис модел е подобен за вклучување во GBP системот.

• Вашиот бизнис е подобен ако услужувате клиенти, било на вашата локација (како ресторан) или на локациите на вашите клиенти (како компанија за чистење на домови).
• Треба да имате адреса, дури и ако тоа е само вашата домашна адреса.
• Треба да имате телефонски број.
• Треба да ги следите упатствата за да избегнете суспендирање на вашиот профил.

Ако не услужувате клиенти лично, не сте квалификувани за Google Business Profile и ќе треба да разгледате други форми на онлајн маркетинг за да ја промовирате вашата компанија.

Исто така, не сте квалификувани за GBP ако немате адреса. Треба да имате барем домашна адреса за да креирате профил.

2. Одредете го вашиот бизнис модел, како што го дефинира Google

Прочитајте ги упатствата за да разберете како Google ги дефинира различните бизнис модели. Разбирањето на овие дефиниции е клучно за да знаете што е дозволено во нивниот систем. Вашиот модел најверојатно е еден од следниве:

• Бизнис со една локација, физичка продавница (како цвеќарница)
• Бизнис со повеќе локации, физички продавници (како ланец на маркети)
• Бизнис со една или повеќе локации, физичка продавница со повеќе јавни лица (како адвокатска фирма со пет адвокати кои служат клиенти лично)
• Бизнис со една или повеќе локации, физичка продавница со повеќе јавни сектори (како болница со оддели за итни случаи, ренген и акушерство)
• Бизнис за услуга (како водоинсталатер кој служи клиенти во нивните домови и бизниси)
• Бизнис за услуга на повеќе локации (како франшиза за водоинсталатери со повеќе области на услуга, секоја заснована на различен хаб)
• Хибриден модел (како ресторан кој нуди и јадење на лице место и достава)
• Домашен бизнис (како фризер за кучиња кој работи од дома)
• Бизнис со една локација, а повеќе брендови (како Domino’s и KFC кои делат една локација)
• Друг модел како автомат за пари (банкомат), киоск, сезонски бизнис

Читајќи ги упатствата, ќе откриете колку GBPs можете да креирате и како Google ќе сака да ги пополните релевантните полиња на вашите профили. Непридржување кон упатствата може да резултира со суспендирање или оневозможување на вашиот профил.

3. Креирајте Google емаил адреса

За да го креирате вашиот прв GBP, треба да креирате бесплатна Google емаил адреса.

4. Документирајте ги основните информации за вашиот бизнис

Откако вашата Google емаил адреса ќе биде активирана, ќе имате пристап до корисни алатки како Google Sheets.

Можете да отворите табела и точно да ги документирате ги следниве информации за вашиот бизнис, користејќи ги упатствата кои ги прочитавте за да разберете како правилно да го пополните секое поле:

• Името на вашиот бизнис како што ќе се прикажува
• Вашата целосна адреса на бизнисот
• Вашиот телефонски број
• Датумот кога го отворивте бизнисот
• Вашиот веб-сајт
• Линкови до вашите социјални профили
• Вашите работни часови
• Опис на вашиот бизнис во помалку од 750 карактери

Направете истражување на категории

Кога го креирате вашиот GBP, Google ќе ви дозволи да изберете до 10 категории кои ќе го објаснат вашиот бизнис. Овие категории значително влијаат дали вашиот бизнис ќе се прикажува на корисниците кои пребаруваат за она што го нудите, така што овие категории се премногу важни.

Првата категорија која ќе ја изберете ќе биде вашата „главна категорија“. Таа ќе има најсилен ефект во пребарувањете и рангирањето, но секоја од останатите категории ќе влијае дали Google ќе го понуди вашиот профил како резултат за различни пребарувања.

Поради огромната улога која правилната категоризација ја игра во резултати на пребарувањето, вреди да вложите малку време во истражување на категориите што ги користат вашите најголеми конкуренти во вашиот град или место.

Инсталирате ја бесплатната GMB Spy Chrome екстензија, одете на Google Maps и направете неколку пребарувања поврзани со вашиот бизнис, како „ресторани во Скопје“ или „кафани во близина“. Кликнете на најголемите конкуренти и запишете ги во вашата табела кој категории ги користат како свои главни и секундарни.

Главната категорија која ќе ја изберете треба да биде онаа која најдобро го опишува вашиот бизнис. На пример, ако вашиот профил е ресторан што се специјализира за италијанска кујна, вашата најдобра главна категорија ќе биде „италијански ресторан“ наместо само „ресторан“.

Бидете специфични и користете ги дополнителните категории за да го развиете вашиот бизнис понатаму.

5. Соберете фотографии и видео материјали за да го презентирате вашиот бизнис

Google ви дозволува да го подобрите вашиот GBP со фотографии и видеа. Тие ќе имаат голема улога дали корисниците ќе го најдат вашиот бизнис привлечен и ќе го изберат точно него. Како минимум, соберете ги следниве фотографии:

• Ако сте физички бизнис, покажете барем една јасна фотографија на екстериерот и интериерот на бизнисот
• Ако сте бизнис во услужна област, фотографирајте ги возилата на компанијата, персоналот во униформи или некој друг аспект на вашиот бизнис кој ќе докаже неговата легитимност како реален бизнис

Планирајте да додадете што е можно повеќе фотографии со тек на време од следниве категории:

• Индивидуални производи и услуги
• Фотографии од инвентарот на полици
• Фотографии пред и по завршувањето на проектите
• Фотографии како ресторани со тераса, паркинг, пристап за инвалидизирани лица, тоалети и друго
• Фотографии од персоналот
• Сезонски фотографии

Како да го креирате вашиот Google Бизнис Профил

Додека сте најавени со вашата Google емаил адреса, пребарајте create Google Business Profile.

Google ќе ви побара да го внесете името на вашиот бизнис.

Потоа ќе бидете пренасочени на екран сличен на горниот, каде што ќе започнете со внесување на името на вашиот бизнис и главната категорија на бизнисот што ја идентификувавте во вашето истражување.

Со притискањето на копчето „Next“ ќе почне да ве води низ процесот на креирање на профилот за да ги пополните сите полиња кој ги внесовте во табелата од истражувањето.

Иако секогаш можете да се вратите и да го уредите вашиот профил откако ќе биде активиран и потврден, подобро е да ги внесете основните детали од прв пат.

Еве неколку правила кои треба да ги имате на ум додека го креирате вашиот прв GBP:

• Бидете сигурни дека името на вашиот бизнис го одразува вашето реално означување и начинот на кој одговарате на телефонот. Не додавајте непотребни клучни зборови.
• Ако сте услужен бизнис, како водоинсталатер, Google сака да ги изберете опциите кои укажуваат дека не ги услужувате клиенти на вашето место на бизнис. Ова ќе резултира со тоа што вашата улична адреса ќе биде скриена во резултати од пребарувањето на Google. За жал, повеќе истражувања како овај пример покажаа дека придржувањето кон правилото на Google да ги скрие адресите често резултира со тоа што услужните бизниси кој немаат физичка локација рангираат пониско од конкуренцијата која има физички локации. Затоа, целта на повеќето услужните бизниси е да изнајмат една мала локација со персонал за да може да се прикаже адресата во пребарувањата.
• Осигурајте се дека вашите работни часови се точни.

Откако ќе ги пополните сите полиња и ќе го поднесете вашиот профил, ќе продолжите на следниот чекор за верификација. Потрудете се да не правите измени во вашиот GBP додека не го завршите процесот на верификација.

Како да го верификувате вашиот Google Business Profile

Верификацијата на вашиот профил му овозможува на Google да знае дека сте овластени да го претставувате бизнисот за кој креиравте GBP.

Има повеќе начини на верификација, но најчесто е видео верификација или ако имате среќа, само со код на внесениот телефонски број. Преку методот со видео верификација, ќе испратите видео до Google за да докажете дека вашиот бизнис е легитимен.

Следете ги овие важни правила во вашето видео за верификација на GBP:

Не правете:

• Не снимајте лица на други луѓе, приватни информации, или било какви останати чувствителни информации како што се вашите банкарски извештаи или сметки
• Не правете видео пократко од 30 секунди или подолго од пет минути; најдобра практика е да се задржите под две минути
• Не го едитирајте видеото – мора да биде континуирано снимање без прекини
• Не се обидувајте да снимате без да направите пробно видео

Правете:

Снимајте го вашето видео и испратете го преку мобилен уред,

Ако верификувате физички бизнис, вашето видео мора да вклучува:

• Локацијата на вашиот бизнис
• Официјални улични и бројни знаци
• Соседни бизниси
• Знаменистости во близина или областа околу вашиот бизнис
• Излогот на вашиот бизнис
• Изложбениот салон
• Знак, како реклама или обележување на прозор
• Доказ дека сте овластен претставник на бизнисот (ова може да се докаже со снимање себеси како ја отклучувате продавницата, отворање на касата, користење на системот за продажба)

Ако верификувате услужен бизнис, вашето видео мора да вклучува:

• Знаци во вашата услужна област кои го рекламираат вашиот бизнис (како билборди) или улични знаци и обележја блиску до вашиот бизнис
• Снимки кои докажуваат дека вашиот бизнис постои, како брендирани возила, опрема или облека
• Снимки на бизнис документи како фактури или сметки што го носат името на вашиот GBP
• Снимајте со најниски поставување за квалитетот на видеото за да ја намалите големината на видеото и да спречите да биде одбиено од Google

Прегледот на вашето видео од Google може да трае најмалку пет дена, но откако ќе го добиете статусот „верификуван и активиран“, вие сте подготвени да започнете со максимално искористување на вашиот GBP.

Оптимизирање на вашиот Google Business Profile

Откако вашиот профил ќе биде активен, ќе можете да управувате со повеќето аспекти на него преку пребарување на името или името/градот на вашиот бизнис во главниот пребарувач на Google.

Ова треба да ви го прикаже управувачкиот интерфејс познат како „New Merchant Experience “ (NMX), кој изгледа вака:

Запомнете, вашиот Google Business Profile не е само профил што го поставувате и заборавате. Тоа е значајна маркетинг алатка која бара постојано управување и одржување за да се постигне максимален сообраќај, кликови и продажби.

Иако алгоритмот преку кој Google ја пресметува релевантноста е сопствен, треба да обрнете внимание на следните аспектите за рангирање:

Име на бизнисот

Имиња на бизниси кои содржат зборови кои се чести во пребарувањето рангираат подобро од конкуренкцијата чии имиња не содржат зборови од пребаруваниот термин.

Категории

Ако погрешно го категоризирате вашиот бизнис, нема да се појави добро за оние кои бараат стоки и услуги поврзани со соодветни категории.

Од време на време, треба да го повторите истражувањето за категориите што ги користат вашите најголеми конкуренти и да ги прилагодите вашите ако е потребно.

Адреса

Ова може да биде најголемиот фактор при одредувањето на кој пребарувања ќе се појавите. Google покажува различни бизниси, локации и органски резултати на секој пребарувач во зависност од нивната физичка локација при пребарувањето. Ако Google смета дека вашиот бизнис е надвор од кругот што го црта околу секој кој пребарува, нема да го прикаже вашиот профил во резултатите од пребарувањето.

Линк до веб-страна

Оптимизацијата и авторитетот на веб-страната која ќе ја поставите на вашиот Google Business Profile ќе влијаат на рангирањето. Повеќето бизниси со една локација ја поставуваат својата почетна страна од веб-страната, бидејќи таа обично има најголем авторитет поради линковите и импресиите што ги заработила со текот на времето.

Севкупно, дел од оптимизацијата на вашиот GBP е изградбата на авторитетен веб-сајт кој ќе придонесе вашиот профил да се рангира добро во локалните пребарувања на Google.

Работно време

Google вообичаено ги прикжува бизнисите што се отворени во моментот на пребарување.

Можете да го прилагодите вашето работно време со тоа што ќе ги проверите работните часови на вашите конкуренти за да видите дали можете да  го промените вашето работно време и да бидете отворени кога другите се затворени, што ќе ви даде предност во рангирањето.

Рецензии

Бројот на рецензии што ги добивате од јавноста и вкупната просечна оценка на рецензентите ќе влијаат на вашето локално рангирање.

Меѓутоа, не размислувајте само како на игра со броеви. Вашата цел треба да биде да заработите повеќе и подобри рецензии и да ги надминете рецензиите на вашите најдобри локални конкуренти.

Рецензиите се едни од највлијателните аспекти на вашиот GBP. Тие се како бесплатна реклама за вашиот бизнис. Но, сепак на тоа треба да гледата како на маратон, а не како на спринт трка.

Продукти

Ако се пријавите за Google Merchant Center, вашиот Google Business Profile може да прикаже дел „Види што има во продавницата“, што може да помогне да се рангирате подобро за релевантни пребарувања на производи.

Услуги

Не смеете да пропуштите да ги додадете сите релевантни услуги во секцијата „Додај услуги“ на вашиот профил, бидејќи овие имаат видливо влијание на рангирањето.

Популарни времиња

Како што работното време влијае на локалните рангови, концептот на Google за вашите најпопуларни времиња може да влијае на тоа да го рангира вашиот бизнис повисоко за време на тие часови.

Специјални понуди што можете да ги направите, како што е happy hour или утро за пазарување за постари лица, може да помогнат вашиот бизнис да има забележително популарно време.

Мени

Предметите на вашето мени можат да помогнат да се рангирате повисоко за пребарувачи кои бараат конкретни производи.

Покрај горенаведените полиња, ставете приоритет и на следниве:

Слики

Google може да ги промени фотографиите што ги прикажува на вашите профили, врз основа на јазикот на пребарувачот. На пример, некој кој бара „burritos near me“ може да види различна слика од некој кој бара „tacos near me“.

Поставете си цел да го фотографирате секој можен аспект од вашиот бизнис со тек на време, така што фотографијата секогаш ќе биде достапна за да му покажете на потенцијалниот клиент дека имате тоа што го бара.

Одговори на рецензии

Секој пат кога одговарате на рецензија, на јавноста му давате до знаење дека вашиот бизнис е одговорен и дека добро се грижи за своите клиенти. Кога ќе добиете легитимни поплаки, направете сè што можете да го поправите тоа за незадоволниот клиент. Ова не само што демонстрира дека вашиот бизнис признава грешка, туку вешт одговор на негативна рецензија може често да го врати клиентот и да го инспирира да ја измени својата рецензија и да ја подобрат оценката што првично ја дале.

Google Прашања и одговори

Табот Q&A во вашиот профил е место каде што можете да пополните често поставувани прашања (FAQ) за вашата компанија.

На пример, можеби често ви се поставуваат прашања дали сте отворени на одреден празник или дали имате одреден производ на залиха. Како сопственик на бизнисот, можете да ги поставите и одговорите овие прашања.

Дополнително, јавноста може да ја користи оваа функција за да ви постави прашања. Одговарајте брзо на сите прашања што ги добивате. Ако не одговорите на прашањата, вашиот потенцијален клиент може да добие погрешни одговори од други членови на јавноста, кој исто така можат да одговараат на оваа секција од вашиот GBP.

Добра пракса е да ја истражите секоја област што ви ја нуди Google и да видите дали е релевантна и корисна за вашиот бизнис. Google редовно воведува нови и отстранува стари функции од GBP, па не ги ставајте сите маркетинг “јајца” во една кошничка и не станувајте премногу зависни од една функција.

Експериментирајте со секоја можност да понудите дополнителни детали за вашиот бизнис и да бидете поповрзани со потенцијалните клиенти.

Ние во Клевер Маркетинг бесплатно креираме Гугл Бизнис профил со секоја изработена веб страница за нашите клиенти или со секоја соработка за маркетинг менаџмент. Слободно обратете се до нашиот тим.